हितगुज

सध्या एक राष्ट्र एक निवडणूक या संकल्पनेवर विचारमंथन सुरु आहे . माझ्या मते ही संकल्पना राबवतांना येणाऱ्या खर्चाबाबत फक्त भाष्य केले जाते  जे या प्रश्नाची फक्त एकच बाजू दशर्वते . प्रत्येक प्रश्नाला दोन बाजू असतात ,    त्यातील दुसऱ्या बाजूचा लेखाजोखा मांडण्यासाठी लेखनप्रपंच आपल्या कडे ईव्हीएम यंत्रामार्फत निवडणूका घेतल्या जातात . सध्या भिन्नभिन्न वेळी निवडणूका घेत असल्याने एकच इव्हीएम यंत्र वारंवार वापरता येते . एकत्रच निवडणूका घेत असल्यास किती ईव्हीएम मशीन लागतील, आणि एकदा वापरल्यावर परत पाच वर्षांनीच त्याचे काम, येवढी यंत्रे सांभाळयाची ती कशी ? आणि आपल्याकडील एका ईव्हीएम मशीनमध्ये एका वेळी फक्त सोळा नावे अंतर्भुत करता येतात . देशातील पक्षांची आणि अपक्षांची यादी बघता यावर कात्री लावल्याशिवाय एका इव्हिएम वर सर्व नावे येणे अशक्यच, म्हणजे लोकशाहीच्या तत्वावरच घाला घालावा लागणार . म्हणजेच ही संकल्पना कितीही स्त्युत असली तरी राबवतांना अनेक अडचणी येणार . त्यावर तोडगा काढल्याशिवाय ही संकल्पना राबवणे धोक्याचे ठरेल यात शंका नाही

सध्या नाशकात सर्वञ कुंभमेळ्याचीच चर्चा सुरु आहे . जे योग्य ही आहे . बारा वर्षांनी येणारा मोठा उत्सव आहे हा .तो मोठ्या प्रमाणात साजरा केला गेलाच पाहिजे यात वादच नाही . माञ त्या वेळेस सुध्दा आपली नजर भविष्याकडे असली पाहिजे . आज नाशकातील मोठ्या धूमधडाक्यात सुरु झालेले ग्रुह निर्माण प्रकल्प अडचणीत सापडले आहेत. ते भविष्यात मोठ्या समस्या निर्माण करू शकतात . घरांच्या किमती वाढल्यामुळे तेथील अनेक सदनिका विकल्या गेलेल्या नाहीत . या रिकाम्या पडलेल्या सदनिका भविष्यात येणार्या आर्थिक मंदीची तर चाहूल देत नाहीना ? याचा विचार करण्याची वेळ जवळ येत चालली आहे . एल बी टी अंशत: रद्द झाल्याने( एल बी टी सरसकट रद्द न होता विहीत रकक्मेपेक्षा अधिक उलाढाल असणार्याना असल्याने अंशत:) आता उत्पनाचा मुख्य स्ञोत खरेदी व्रिकी आहे तिथे अशी स्थिती असेल तर बघा सटवीच्या मनात काय काय योजना आहेत ? आधीच दुष्काळामुळे शेती फारशी उत्पन देणारी राहिलेली नाही . औद्योगिक क्षेञातही मन प्रसन्न ठेवणारी स्थिती आहे असे मला तरी वाटत नाही . नाशिक च्या सातपूर आणी अंबड या उपनगरातील औद्योगीक वसाहतीत नूसता फेरफटका मारला तरी परीस्थितीचा अंदाज...